غرباء بالشارع
ما نكتفي بكروت على طاولة. ننزل الشارع، نوقف الناس، ونسألهم الأسئلة اللي ما أحد سألهم إياها.
تابعنا على انستقرامخلونا نسمع لكم، وعيشوا معانا التجربة
بوث أحمر فيه لوحات تنتظر أجوبتكم، وورد، وفازة رسايل، وكروت. توقف فيه دقيقة، وتطلع وأنت حاس إن ما بينّا غريب.
قالوا عننا وعن تجربتهم
أبي أقول للبنت اللي تشتغل بالبوث: مشكورة وايد على إقناعي إني أشتري اللعبة. اليوم تجمعنا وتحققت أمنيتي إني أقعد مع خواتي ونسولف، وتقربنا أكثر.
مجهولةتو مريت البوث وحسيت بسعادة كبيرة من شفتكم. البوث الوحيد اللي حسيت إني أعرف الناس الموجودين فيه.
مجهولةيعطيكم العافية على الستاف الخيالي. أقوى ستاف شفته، يهبلون وروحهم حلوة.
مجهولةالمكان والناس كلهم خيال، شكراً وايد استانسنا معاكم.
فاطمةجينا عندكم أنا وأختي يوم كنتوا بالمباركية، كان حده وناسة ولطيفين معانا.
مجهولةأذكر بالمروج آخر مرة طاقتكم وصلتني. حب كبير لكم.
مجهولةأحلى بوث بالمكان، إبداعكم مو عادي.
مجهولما كنت أعرفكم، جيت عشان وحدة.. ليش كلامكم حلو؟ ما نعرف نرد على الكلام الحلو. بعدين استوعبت وحبيتكم أكثر.
مجهولةالبوث الوحيد اللي كنت ناطرته.
مجهولةلو تبي أحد يلمّك.. قول لنا
شلنا لافتة ووقفنا. ما طلبنا من أحد يجي، بس الناس جت. فيه ناس تحتاج حضن أكثر من أي كلام.
اسمي، عمري، نصيحتي
لوح أبيض وقلم. كل واحد يكتب اسمه وعمره ونصيحة وحدة للي بعده. نصايح من ناس ما تعرفهم، بس تحس إنها مكتوبة لك.
اكتب رسالة لغريب
فازة مليانة أوراق. تكتب رسالة لشخص ما تعرفه، وتاخذ رسالة كتبها لك غريب ثاني. محد يعرف منو كتب، بس الكل يطلع وهو حاس إن أحد فكّر فيه.
وردة لغريب
الورد عندنا عادة، نوزعه على الناس بالشارع بدون سبب. وبراس كل سنة نوزع آلاف الورود بالكويت، عشان أول يوم بالسنة يبدأ بشي حلو.
«والله ماكان ودنا حتى نرد بيوتنا، كثر ما قعدتهم وسوالفهم دخلت القلب.»رسالة وصلتنا من وحدة زارت البوث
في حال ما شفت شي حلو اليوم.. تفضّل
مراية بنص الطريق. اللي يوقف قدامها يشوف أحلى شي بيشوفه اليوم.
اكسري الصورة النمطية
سألنا البنات: شنو الفكرة النمطية عن البنات اللي تبين تغيرينها؟ كل وحدة كتبت جوابها على لوحة زرقا وشالتها بنفسها. تجربة سويناها للبنات، ونزلت معاها لعبة أنتِ وأنا.
قول لنا اسمه
كرت كبير من نسخة الصداقة، وسؤال واحد: شنو اسم أقرب صديق لك؟ وشنو تعلمت منه؟ الناس كتبت الأسماء بخط يدها، وكل اسم وراه قصة.
لوحات تسألكم
لوحة كبيرة، وسؤال واحد، وأقلام. الناس توقف وتكتب جوابها بخط يدها، ولين آخر اليوم ما يبقى فيها مكان فاضي.
شنو الشيء اللي يحسسك بالحب؟
منو كسر قلبك؟
منو أول شخص حسسك إنك تستاهل الحب؟
لو ما كان فيه أي عواقب، شنو الرسالة اللي بترسلها؟ وحق منو؟
شنو أكثر شي ندمت عليه في 2024؟
منو الصديق اللي وجوده يكملك؟
الجاية؟
ما نقول وين بنكون إلا لما يقرب الوقت. اللي يتابعنا يعرف أول ويلحق، والباقي يسمعون عنها بعدين من غيرهم.
تابعنا على انستقرامخلّنا نجي عندكم
تبون تجربة ما بينّا غريب عندكم؟ نجيب لكم التجربة بكل تفاصيلها، ونخلي ناسكم يتكلمون من القلب. كلمونا على الواتساب ونرتب التفاصيل.
كلمنا واتسابما بينّا غريب