ما بينّا غريب
تحس إنك تعرف أقرب الناس لك؟ هالصندوق بيثبت لك العكس.
أسئلة بثلاث مراحل، من الخفيف للعميق، تقرّبك من أهلك، أصدقائك، نصفك الثاني، أو حتى غريب.
داخل الصندوق: ١٥٠ كرت، ٣ مراحل، قلمين، ودفتر.
اللاعبين: ٢–٦ | العمر: +١٦
وبعد ما تلعبون.. ما بيكون بينكم غريب
ما بينّا غريب
كلامكم، مو كلامنا
اللي لعبوها يقولون
رسايل وتغريدات وستوريات وصلتنا من ناس لعبوا ما بينّا غريب مع أهلهم وصديقاتهم وزملاء الدوام.
اللعبة حيل حلوة خصوصاً إذا عرفتوا تخصصون لها جو معين مع شخصكم المفضل. فيها ثلاث مراحل من السطحية إلى العميقة جداً، وتبين لك الشخص اللي جدامك، خصوصاً إذا ماكان يعبر وايد.
@souadaldelaimy7
كثير انبسطت باللعبة، فيها تحديات وأسئلة تضحك وأسئلة عميقة. i ended up crying in the middle of the game.
@ragad.za
اللعبة ممتعة وحيل حلوة لما تقعدون مع بعض. أنا لعبتها مع رفيجتي بس واستمتعت، العبوها مع أكثر من شخص راح تضحكون وتستانسون.
@sixtyfourx1
اللعبة تبطل حوارات. تلعبونها مع شخصكم المفضل اللي مو عارفين تسولفون معاه. عميقة وفيها تحديات حلوة مو نفس الألعاب العادية.
@kauthareria
لعبنا "ما بينا غريب" حدها تونس، تقدرون تعرفون رفيجاتكم أكثر من هاللعبة.
@by.falifestyle
اللعبة اللي تاخذكم في عالم ثاني فعلاً. مشاعر تتضارب، وتكتشفين أشياء حلوة بشخصية اللي تلعبين معاهم. اعتمدوها بجمعتكم.
@reemaalmut_أمس لعبت مع بنت خالتي اللي هي أكثر من أختي واكتشفنا واااايد أشياء عن بعض. صج صج اللعبة تسوى كل فلس.
من رسائل الإنستقرامفكرة اللعبة حيل حلوة ووناسة وتغيير روتين، بصراحة جداً استمتعنا واحنا نلعب.
@moon__line__
نصيحة لا تطوفونها حق الشاليه والزوارات، حتى بالدوام اللي ماعندهم شغل اخذوها تعرفوا على بعض.
@sowalf.shbab01
اللعبة بكل صراحة أشوفها كسرة روتين وفيها أسئلة حيل حلوة.
@_alsheen__
اللعبة جد جد عجيبة غيرت مودنا اليوم. أنصحكم فيها حبيتها وايد.
@als3adakitchen83
ما بينا غريب لعبة أو شي مدروس! حركتوا فينا شي كان نايم.
@ladylasheskwاللعبة حدها deep.
@cmc.kwtأقوى شي نلعبها ٤ ساعات بدون تلفونات.
@j73xx_حرفياً مفروض تاخذ من أسبوع لعشر أيام أقل شي، بس طلبتها الاثنين ووصلت الأربعا. توصيل دولي من الكويت لبريطانيا.
@nhy.alshaheenلعبة هدفها إن تقرب العلاقات وتساعدكم تعرفون بعض أكثر. تلعبونها شخصين، بس احنا لعبنا ٤ أشخاص وكانت هم عجيبة.
@rahmayouseff_لعبة حلوة وجريئة. طلبوها حق يمعاتكم.
@quartet.kwاللي يقعدون ما عندهم سالفة يسولفون فيها. راح تطلع كل السوالف اللي عندكم.
@lifewithdkmمن بيوتكم
صور شاركتوها معنا
قعدات حقيقية من ناس لعبوها، مع الشاي، على الزولية، وبكل مكان تجمعهم فيه قعدة.
ثلاث مراحل، من الخفيف للعميق
كيف تنلعب؟
شلون يشوفونك من برا؟ الظنون والأحكام الأولى.
منو أنت من الداخل؟ أسئلة نادرًا تنسأل.
شنو شفتوا في بعض، وشنو شفتوا في أنفسكم.
طريقة اللعب
لشخصين
- ابدوا بكروت المرحلة الأولى، وطالعوا بعيون بعض. اللي يرمش أول يسحب.
- واحد يسحب ويسأل، والثاني يجاوب أو ينفّذ التحدي، وبعدين تتبادلون.
- خلصوا ١٥ كرت على الأقل قبل لا تنتقلون للمرحلة اللي بعدها.
- حطوا الكروت المسحوبة على جنب عشان ما يتكرر سؤال.
لأكثر من شخصين
- قبل ما تبدون: كل واحد يكتب انطباعه الأول عن كل لاعب بدون اسم. اطووا الأوراق واقروها بصوت عالي، وأكثر واحد متردد يبدا.
- المرحلة الأولى والثالثة: اللي يسحب الكرت، الكل يجاوب عنه. ولو محد جاب الجواب الصح، يقوله هو.
- المرحلة الثانية: اللي يسحب يختار شخص واحد يجاوب، بس مو نفس الشخص اللي جاوبه قبله.
- قبل المرحلة الثانية، لازم كل واحد يكون سحب كرتين على الأقل.
- الكرت الجريء: دوروا القلم بنص الدائرة، واللي يوقف عليه ينفّذ. وما ينفع ترفضه.
وبعد المرحلة الثالثة.. فيه شي ينتظركم. ما بنحرقه عليكم.
داخل الصندوق
ذوق قبل لا تطلب
سؤال من داخل الصندوق
اضغط على الكرت، وجاوب عليه بينك وبين نفسك.
عمرك قلت لشخص "أحبّك" وأنت ما تعنيها؟ شنو كان السبب؟١/٦
هل تظن أني سهل الوقوع بالحب؟ ليش أي أو ليش لا؟٢/٦
أعطي اللاعب الثاني مدحة ما يسمعها كثير.٣/٦
شنو ذكرى من طفولتك ما تنساها؟٤/٦
هل تظن إني ممكن أفتّش جهاز شريكي لو كنت شاك في شيء؟٥/٦
اتصل على شخص أنت تقدّره وقول له سبب تقديرك له. افتح السبيكر.٦/٦
هذي ٦ من ١٥٠ كرت. الباقي ينتظركم داخل الصندوق.
مو متأكد؟ قارن بين النسخكلامكم، مو كلامنا
اللي لعبوها يقولون
من رسايلكم لنا.
لعبة تكشف كل صفحات الإنسان، نسخه القديمة والجديدة. تخلي قريبك مفهوم، خصوصاً لو كان ما يعبر كثير. ما خلصنا البطايق كلها رغم إن بيننا عشرة عمر.
لولوةلعبتها بروحي. قعدت أجاوب بيني وبين نفسي بصمت وبكل شفافية. حسيت من زمان ما سألت نفسي، وفي أجوبة خلتني أستوعب أشياء.
منيرةتونا خلصنا اللعبة، ما تدرين شكثر فتحنا قلوبنا. توني أستوعب شكثر أنا وخواتي نعرف بعض. على كثر ما كانت علاقتنا قوية، قوتها زيادة.
مجهولةاللعبة الحلوة اللي صج خلتني أبجي، وعرفت أشياء ما كنت أعرفها إلا يوم لعبناها. ونستني بشكل مو طبيعي.
دانةصدق حسينا إن ما بينّا غريب، وخذنا راحتنا بالإجابات. هي فضفضة، هي لعبة، هي وناسة، هي كل شي.
عائشةاللعبة إبداع صج. أول مرة ألعب مع أهلي لعبة كاملة.
عبدالحميدشكراً على لعبتكم الحلوة، جمعتوا راسين بالحلال.
وجدانكانت سالفتنا الوحيدة «وش حسيتي فيه أول ما شفتيني؟»، والحين فتحنا سوالف كثيرة بسبب لعبتكم. صدق تستاهل، وأنصح الكل يشتريها.
مجهولةأذكر بجيت وايد لما لعبت اللعبة، بس طلعت مشاعر سلبية فيني وانحلت مشكلة.
مناللعبتها مع البنات، تونس مرة! نزلت دموعنا شوي وخنقتنا العبرة شوي، وكنا صريحين جداً.
غيداءلعبتها بالزوارة، وحدها خيالية. والله أصفق للي سوا اللعبة.
مجهولةكلامكم، مو كلامنا
اللي لعبوها يقولون
رسايل وتغريدات وصلتنا من ناس لعبوا ما بينّا غريب مع أهلهم وصديقاتهم وزملاء الدوام.
اسحب يمين ويسار عشان تشوف الباقي ←
«كنت أحسبهم سطحيين.. بس من بعد المرحلة الثانية حسيت إن كلنا تفصّخنا مشاعرياً، وبيّنا جوانب بشخصيتنا محد كان متوقعها»رسالة وصلتنا بعد قعدة استمرت ٤ ساعات
من بيوتكم
قعدة وحدة.. وتتغير السالفة
مع الشاي، على الزولية، أو قدام اللابتوب. ما بينّا غريب تنلعب بأي مكان تجمعكم فيه قعدة.
كيف تنلعب
ثلاث مراحل، من الخفيف للعميق
كل مرحلة تاخذكم خطوة أقرب. ما تحتاجون قواعد كثيرة، بس تكونون صريحين.
انطباع
أسئلة تكسر الحاجز، وتعرف فيها شلون يشوفونك اللي حولك من أول نظرة.
تواصل
هني تبدأ السوالف الحقيقية، وتنفتح جوانب ما كنتوا متوقعينها من بعض.
انعكاس
أعمق مرحلة. تشوف نفسك بعيونهم، وتقولون اللي ما ينقال إلا بين ناس يفهمون بعض.
داخل الصندوق
أسئلة تتكرر
مع منو أقدر ألعبها؟
مع أي أحد: أهلك، صديقاتك، زملاء الدوام، نصفك الثاني، أو حتى ناس تو تعرفت عليهم. كل ما كان الجو صادق، كانت القعدة أعمق.
كم تاخذ وقت؟
على راحتكم. في ناس يلعبون مرحلة وحدة بجلسة قصيرة، وفي ناس قعدوا فيها ٤ ساعات.
كم عدد اللاعبين والعمر المناسب؟
من ٢ إلى ٦ لاعبين، والعمر المسموح +١٦.
